ვლადიმერ პუტინის ერთ-ერთი უახლოესი მოკავშირის კომენტარებმა შეშფოთება გამოიწვია – რუსეთის საგარეო და თავდაცვის პოლიტიკის საბჭოს საპატიო თავმჯდომარემ, სერგეი კარაგანოვმა დიდი ბრიტანეთის წინააღმდეგ “ყველაზე საშინელი იარაღის” გამოყენების შესაძლებლობა განიხილა.
“ეს ევროპული ინფექცია უნდა აღმოიფხვრას. ჩვენ უნდა მოვემზადოთ დარტყმისთვის, ან სულ მცირე, ვაგრძნობინოთ მათ, რომ მზად ვართ. აუცილებელი არაა ეს ბირთვული დარტყმა იყოს”.
“Kromek Group plc”-ის აღმასრულებელმა დირექტორმა, დოქტორმა არნაბ ბასუმ, გამოცემა Mirror-ს განუცხადა: “თუ დიდი ბრიტანეთის რომელიმე ქალაქზე ბირთვული დარტყმა განხორციელდება, მაცხოვრებლები, სავარაუდოდ, გარკვეულ გაფრთხილებას მიიღებენ.
აფეთქების უშუალო ზონის გარეთ მყოფი პირებისთვის პრიორიტეტია თავშესაფარში მოხვედრა, იდეალურ შემთხვევაში კი შენობის ყველაზე ცენტრალურ ნაწილში. ფანჯრები და კარები ლენტით დალუქეთ, რათა რადიოაქტიური მტვრის შეღწევა შემცირდეს.
ყველა შესაძლო კონტეინერი, მაგალითად, ნიჟარები და აბაზანები, წყლით შეავსეთ, რადგან აფეთქების შემდეგ წყლის მარაგი, სავარაუდოდ, დაბინძურდება. მომდევნო ორი-სამი დღის განმავლობაში დარჩით სახლში, სასურველია თქვენი თავშესაფრის ყველაზე ცენტრალურ ნაწილში, გარე კედლებისა და ფანჯრებისგან მოშორებით. სანამ რადიაციის დონე დაუყოვნებლივ არ დაიწყებს კლებას“.
NuclearSecrecy.com-მა შექმნა ბირთვული რუკა, რომელიც ბირთვული იარაღით გამოწვეული პოტენციური ზიანის სამართლიან შეფასებას იძლევა:
იარაღის კემბრიჯზე ჩამოგდების შედეგები კატასტროფული იქნება. ცეცხლოვანი ბურთი 2.97 კვადრატული კმ რადიუსს შთანთქავს, მათ შორის გრანჩესტერის, მილტონისა და ტევერშემის გარეუბნებს, ასევე უნივერსიტეტის მთავარ კამპუსს.
მეორე ზონა 134 კმ2 ფართობს მოიცავს. ამ ტერიტორიაზე შენობები ჩამოინგრევა და ხანძარი გაჩნდება.
რადიაციული დაცვის საერთაშორისო კომისია (ICRP) აცხადებს: “საუკეთესო გზა თქვენი და თქვენი ოჯახის დასაცავად ბირთვული აფეთქების წინ, პროცესში და შემდეგ არის შენობის ცენტრში ან სარდაფში ყოფნა”.
“1945 წლის 6 აგვისტოს, ბატონი ეიზო ნომურა ჰიროსიმაში, ნულოვანი წერტილიდან დაახლოებით 170 მეტრში, შენობის სარდაფში იმყოფებოდა. ის ატომურ დაბომბვას გადაურჩა და 1982 წელს, 84 წლის ასაკში გარდაიცვალა.”
2024 წელს, ბუკინგემის უნივერსიტეტის პროფესორმა ენტონი გლისმა გამოცემა Mirror- თან მესამე მსოფლიო ომის შესაძლებლობაზე ისაუბრა. ექსპერტმა გამოთქვა შესაძლებლობა, რომ პუტინი “დიდ ბრიტანეთსა და კონტინენტურ ევროპაში არაერთ საკვანძო ობიექტზე თავდასხმას დაიწყებს, რა თქმა უნდა, გაფრთხილებისა და ულტიმატუმის გარეშე“.
“ბენზინი და დიზელი პრაქტიკულად მიუწვდომელი გახდება. მედიკამენტები სწრაფად დაექვემდებარება მკაცრ რაციონირებას და მალე საერთოდ გაქრება. მიუხედავად იმისა, რომ გვეგონა, რომ ევროკავშირი გააგრძელებდა ჩვენთვის საკვებით მომარაგებას, მოგვიწევს დაყრდნობა აშშ-ზე, კანადაზე , ავსტრალიასა და ახალ ზელანდიაზე, განსაკუთრებით თუ დასავლეთ ევროპის დიდი ნაწილი რუსეთის კონტროლის ქვეშ მოექცა.”