“ბოლო ორი დღის განმავლობაში გავრცელებული უამრავი ვერსიის მიუხედავად, მე მაინც ვფიქრობ, რომ ირაკლი ღარიბაშვილმა, გრიგოლ ლილუაშვილმა და ოთარ ფარცხალაძემ ბიძინას სალარო არ “შეავსეს“ და ეს არის კობახიძის ერთგვარი თამაში მეფის კარზე”, – ამის შესახებ ანალიტიკოსი გია ხუხაშვილი ამბობს. შეგახსენებთ, რომ სამართალდამცავმა ორგანოებმა მინისტრის ირაკლი ღარიბაშვილისა და სხვა მაღალი თანამდებობის პირების სახლები გაჩხრიკეს. მ. ჩხრეკების დროს ამოღებულია სხვადასხვა ელექტრონული მოწყობილობა, დოკუმენტაცია და დიდი ოდენობით თანხა. გია ხუხაშვილი მიიჩნევს, ეს პროცესი მხოლოდ კონკრეტული პირების წინააღმდეგ მიმართული არ არის, არამედ ის “სისტემური უხეშობის” ნაწილია და ბიზნეს-ფინანსური ინტერესებისაც უკავშირდება.
– ისტორია არის ძალიან ბანალური – ყოფილ მაღალჩინოსანს ბიძინა ივანიშვილის სალაროს შევსება მოსთხოვეს, მაგრამ არ მოიტანეს და ახლა იჭერენ. ირაკლი კობახიძეს კი, რომელსაც სურს, რომ ბიძინა ივანიშვილის ერთადერთი მემკვიდრე იყოს, ველის მოსუფთავების შესაძლებლობა მიეცა და ამით სარგებლობს. მე დიდი ხნის ვამბობდი, რომ სისტემა არის ერთგვარი ურჩხული, რომელსაც მუდმივად კვება სჭირდება და როდესაც მას საკვები ელევა, ის საკუთარი სხეულის ჭამას იწყებს. აი, ახლა დადგა მომენტი, როდესაც ურჩხულმა საკუთარი სხეულის ჭამა დაიწყო. ვის უნდა დააჯერონ, რომ სისტემა, რომელიც კორუფციაზე დგას, კორუფციის გამო იჭერდეს ვინმეს? არა მგონია, „ქართული ოცნების“ ყველაზე ერთგულ ამომრჩეველსაც კი სჯეროდეს, რომ ღარიბაშვილს და ლილუაშვილს თუ დაიჭერენ, ამით ქვეყანაში კორუფციას დაამარცხებენ.
– შესაძლებელია ეს ყველაფერი 4 ოქტომბრის მოვლენებს უკავშირდებოდეს? მედიაში გავრცელდა ვერსია, რომ ე.წ. რევოლუციონერებს გრიგოლ ლილუაშვილი ხვდებოდა…
– გამოვრიცხავ. ვერსია, რომელზეც თქვენ ისაუბრეთ, ხელისუფლების შემოგდებული თემა იყო. როგორც ჩანს, კობახიძე ბიძინას შეპირდა, რომ ის ამ ხალხს მოსთხოვდა ფულს და ისინიც მოიტანდნენ და რადგან სიტყვა ვერ შეასრულა და ყოფილმა მაღალჩინოსნებმა ხარკის გადახდაზე უარი თქვეს, მერე ამას დაურთო პოლიტიკური ლეგენდა, რომ თურმე ფული იმიტომ არ მოაქვთ, ოპოზიციასთან აქვთ საქმეო. კობახიძეს ბიძინასთან თავი ხომ უნდა ემართლებინა – აი, ბატონო ბიძინა, ფული იმიტომ ვერ ამოვიღე, რომ ისინი ოპოზიციასთან თანამშრომლობდნენო. მე არანაირად არ მჯერა, ღარიბაშვილი, ლილუაშვილი და ფარცხალაძე სახელმწიფო გადატრიალებას აწყობდნენ. ბრაზილიურ სერიალებში ხომ გინახავთ, ბოროტი ბავშვები ერთადერთ მემკვიდრედ დარჩენისთვის რომ იბრძვიან და მშობლებს უყვებიან, როგორ ჰპარავენ ფულს სხვა შვილები, როგორ ეჯავრებათ მშობლები და ა.შ. ეს ბოროტი ბავშვი არის კობახიძე, მას ეს თამაში იმისთვის სჭირდება, რომ საკუთარ ბედთან დაკავშირებით ცუდი მოლოდინები აქვს და ფაქტობრივად, გადარჩენის გზად ერთადერთი მემკვიდრედ დარჩენა მიაჩნია. მე მგონია, რომ ივანიშვილმა ეს ყველაფერი კარგად იცის, მაგრამ ჯერჯერობით თვალს ხუჭავს. ვფიქრობ, კობახიძე ძალიან მოლიპულ გზას დაადგა. ბიძინა ივანიშვილს ცალკე აქვს საკუთარი თამაში, მას ჯერ სვლა არ გაუკეთებია. ელოდება, რამდენ ჭურჭელს დალეწავს კობახიძე სამზარეულოში. აი, ამის შემდეგ მიიღებს საჭირო ზომებს.
– რატომ არის დაუჯერებელი, რომ ღარიბაშვილს და ლილუაშვილს რაღაც კავშირები ჰქონოდათ ოპოზიციის ლიდერებთან?
– ამას ვერ გაბედავდნენ. ლილუაშვილმა ღარიბაშვილზე უკეთ იცის, რომ რომ ყველა მათგანის თითოეული ნაბიჯი კონტროლდებოდა და კონტროლოდება დღემდე. ის თუ ვინმესთან კომუნიკაციაში იქნებოდა, ის იქნებოდა პროვოკატორის ფუნქციით და არა როგორც მოკავშირე.
– პროკურატურის განცხადებას, რომ ღარიბაშვილის, ფარცხალაძის და ლილუაშვილის სახლებში ჩხრეკა მიმდინარეობდა, მალევე მოჰყვა სუს-ის განმარტება, რომლის მიხედვითაც , არც ერთი მათგანი არ არის დაკავებული და არც მათი დაკითხვა მიმდინარეობს. ამან ანალიტიკოსთა ნაწილში გააჩინა ეჭვი, რომ საქმე შესაძლოა დადგმულ სცენართან გვქონდეს და საბოლოოდ არც ერთ მათგანს მოუწიოს პასუხისგება.
– არა, მე მგონია, მგონია, ეს ბოლო გაფრთხილება იყო, იმისთვის რომ ფული მოეტანათ… საქმე ძალიან მარტივად არის, თუ შეთანხმდებიან ფული მოტანაზე, არ დაიჭერენე თუ არადა და დაიჭერენ. განაგრძეთ კითხვა