ბოლო დღეებში ესპანური ტაბლოიდები აქტიურად ავრცელებენ ჭორებს ილია თოფურიასა და ჯორჯინა უზკატეგუის სავარაუდო დაშორების შესახებ, რასაც წყვილის სოციალურ ქსელებში აქტივობა ამყარებს.
ჭორი, “დაბლოკვაზე” და სწრაფი რეაგირება
წყვილის დაშორების შესახებ ჭორები მაშინ აგორდა, როდესაც სოციალური ქრონიკის სპეციალისტმა ჟურნალისტმა ხავი ოიოსმა შენიშნა, რომ ილია თოფურიამ და ჯორჯინა უზკატეგუიმ შეწყვიტეს ერთმანეთისთვის თვალის დევნება (Unfollow) და შესაძლოა, დროებით დაბლოკილიც ჰყავდათ ერთმანეთი.
თუმცა, როგორც კი ოიოსმა ეს ინფორმაცია საჯაროდ გაავრცელა, მათ ისევ აღადგინეს გამოწერა (Follow Back), რაც სავარაუდოდ მიზნად ისახავდა დაშორების შესახებ გავრცელებული ჭორების სწრაფად გაქარწყლებას. მიუხედავად ამისა, თავდაპირველი ცვლილება და მედიის რეაქცია უკვე ყველასთვის ცნობილი გახდა.
ეს დეტალი გამომწერებს არ გამოჰპარვიათ: ჯორჯინას პოსტებში თოფურიას მონიშვნები აღარ ჩანდა, რამაც სპეკულაციები კიდევ უფრო გააძლიერა. წყვილის ბოლო ერთობლივი ფოტო 11 კვირის წინანდელია, რომელიც ჯორჯინამ გააზიარა გზავნილით: “კავშირის მაგია”. 12 ივლისის შემდეგ ისინი სოციალურ ქსელში ერთად აღარ გამოჩენილან.
ამასობაში, თოფურიამ გამოაქვეყნა ფოტოები თავის შვილებთან ერთად, რომლებსაც სიყვარულით მიმართა: “მიყვარხართ“, მაგრამ ამ პოსტებში ჯორჯინას კვალი არ ჩანს. სპორტსმენი, რომელსაც წინა ურთიერთობიდან ერთი ვაჟი ჰყავს, 2024 წელს ჯორჯინასთან საერთო ქალიშვილის მამა გახდა.
ურთიერთობა და საერთო მიზნები
წყვილის სიყვარულის ისტორია თავად მებრძოლმა დოკუმენტურ ფილმში მოყვა, სადაც ჯორჯინა „ღმერთისგან ნაბოძებ ერთ-ერთ საუკეთესო საჩუქრად“ მოიხსენია.
ჯორჯინა უზკატეგუი არის მეწარმე და ინფლუენსერი, ასევე განახლებადი ენერგიების კომპანიის აღმასრულებელი დირექტორი აშშ-ში. მათი ურთიერთობა 2021 წლის დეკემბერში, 13 დეკემბერს სადილზე შეხვედრის შემდეგ, ფურორით დაიწყო. UFC-ის მებრძოლმა გაიხსენა: “სადილზე გავიცანი და ვიფიქრე: “რა ლამაზი გოგოა“. როგორც ორივემ აღნიშნა, კავშირი მყისიერი იყო და მას შემდეგ ორი წლის განმავლობაში განუყოფელ წყვილად გვევლინებოდნენ.
აღსანიშნავია, რომ ჯორჯინა თოფურიას უმთავრესი მხარდამჭერია და მისი ცხოვრების ფინანსურ-საქმიანი ასპექტების მართვასაც უძღვება. მისი თქმით, “ჩემი ქმარი ფოკუსირებულია სპორტზე, მე კი ჩვენი ოჯახის მთელ ბიზნეს სტრუქტურას ვმართავ”.
ელოდება თუ არა “მატადორს” ახალი “ბრძოლა”?
მიუხედავად სოციალური ქსელების დრამისა და ჭორებისა, ჯერჯერობით არცერთ მათგანს ოფიციალური კომენტარი არ გაუკეთებია შესაძლო დაშორების შესახებ. წყვილის საჯარო დუმილი, აძლიერებს ვარაუდს, რომ შესაძლოა საქმე სერიოზულ განშორებასთან კი არა, დროებით კრიზისთან გვქონდეს.