📷 ქართული ბიომეტრიული პასპორტი იცვლება – როგორი იქნება ის და როდემდე იმოქმედებს ძველი პასპორტი?

საქართველოს მოქალაქის ბიომეტრიული პასპორტის ფორმა იცვლება.

ახალი ფორმის პასპორტები 2025 წლის 4 ივნისიდან გაიცემა. ამასთან, ძალაში რჩება აქამდე გაცემული პასპორტები მათი მოქმედების ვადის პერიოდში.

გარდა ამისა, იცვლება ასევე „ბიომეტრიული დიპლომატიური პასპორტის, ბიომეტრიული სამსახურებრივი პასპორტის, აგრეთვე საქართველოში სტატუსის მქონე მოქალაქეობის არმქონე პირის ბიომეტრიული სამგზავრო პასპორტისა და ლტოლვილის ბიომეტრიული სამგზავრო დოკუმენტის ტექნიკური მახასიათებლები და ფორმები“.