რატის ბარში” 18 წლის ბიჭის მკვლელობაში ბრალდებულს, რა მკვლელობა ქონდა ჩადენილი მანამდე,რა ხდება ცნობილი

18 წლის ბი­ჭის, ალე­კო შა­კი­აშ­ვი­ლის სას­ტი­კი მკვლე­ლო­ბის დე­ტა­ლებს ახლა სა­მარ­თალ­დამ­ცა­ვე­ბი იძი­ე­ბენ. და­ნა­შა­უ­ლი "რა­ტის ბარ­ში" ორი დღის წინ მოხ­და. ძა­ლოვ­ნებ­მა და­ნა­შა­უ­ლი ოპე­რა­ტი­უ­ლად გახ­სნეს და ცნო­ბი­ლია, რომ გან­ზრახ მკვლე­ლო­ბის ბრალ­დე­ბით და­კა­ვე­ბუ­ლია, 1989 წელს და­ბა­დე­ბუ­ლი, წარ­სულ­ში სხვა­დას­ხვა მძი­მე და გან­სა­კუთ­რე­ბით მძი­მე და­ნა­შა­უ­ლე­ბის­თვის ნა­სა­მარ­თლე­ვი ივა­ნე გიგ­ლე­მი­ა­ნი. სწო­რედ გიგ­ლე­მი­ან­მა მი­ა­ყე­ნა და­ნით სა­სიკ­ვდი­ლო ჭრი­ლო­ბე­ბი ახალ­გაზ­რდა ბიჭს და შემ­თხვე­ვის ად­გი­ლი­დან მი­ი­მა­ლა.

ამ და­ნა­შა­უ­ლის თვითმხილ­ვე­ლია გიგ­ლე­მი­ა­ნის ნა­თე­სა­ვიც, რო­მე­ლიც ამ­ჟა­მად ბრალ­დე­ბუ­ლის გვერ­დით ზის. ის შე­ეს­წრო ფაქტს, რის შემ­დეგ ქუ­ჩა­ში და­ტო­ვეს დაჭ­რი­ლი ახალ­გაზ­რდა და მი­ი­მალ­ნენ. 45 წლის რატი პა­კე­ლი­ან­საც და­ა­დეს ძა­ლოვ­ნებ­მა ხელ­ბორ­კი­ლე­ბი, მას პრო­კუ­რა­ტუ­რა გან­სა­კუთ­რე­ბით მძი­მე და­ნა­შა­უ­ლის შე­უ­ტყო­ბი­ნებ­ლო­ბას ედა­ვე­ბა. ორი­ვე მათ­განს აღ­კვე­თის ღო­ნის­ძი­ე­ბის სა­ხით წი­ნას­წა­რი პა­ტიმ­რო­ბა სა­სა­მარ­თლომ დღეს შე­ე­ფარ­და.

გა­მო­ძი­ე­ბით დად­გინ­და, რომ გიგ­ლე­მი­ან­მა, თბი­ლის­ში, ერთ-ერთ ბარ­ში სტუმ­რად ყოფ­ნი­სას, ურ­თი­ერ­თშე­ლა­პა­რა­კე­ბის ნი­ა­დაგ­ზე, ამა­ვე ბარ­ში მყო­ფი, 2006 წელს და­ბა­დე­ბუ­ლი ალე­კო შა­კი­აშ­ვი­ლი ცივი ია­რა­ღით დაჭ­რა და შემ­თხვე­ვის ად­გი­ლი­დან მი­ი­მა­ლა. მი­ყე­ნე­ბუ­ლი ჭრი­ლო­ბე­ბის შე­დე­გად ბიჭი შემ­თხვე­ვის ად­გილ­ზე გარ­და­იც­ვა­ლა.

• საქ­მის პრო­კუ­რო­რის გია შა­იშ­მე­ლაშ­ვი­ლის გან­ცხა­დე­ბით, ნას­ვამ მდგო­მა­რე­ო­ბა­ში მყოფ­მა 18 წლის ბიჭ­მა გვერ­დით გავ­ლი­სას უბ­რა­ლოდ მხა­რი გა­არ­ტყა ერთ-ერთ ბრალ­დე­ბულს, ამ მი­ზე­ზით მო­კი­და მას ხელი, შე­იყ­ვა­ნა ამ ბა­რის უკა­ნა სივ­რცე­ში არ­სე­ბულ ერთ-ერთ ოთხში და ყო­ველ­გვა­რი მო­ტი­ვის გა­რე­შე ხელ­თარ­სე­ბუ­ლი და­ნით სხე­ულ­ზე მი­ა­ყე­ნა და­ზი­ა­ნე­ბე­ბი, დაჭ­რი­ლი და­ტო­ვა და სუფ­რას­თან და­ტო­ვა.

• ბარ­ში კო­მენ­ტარს მომ­ხდარ­ზე არ აკე­თე­ბენ, მხო­ლოდ იმას ამ­ბო­ბენ, რომ და­ნა­შა­უ­ლი "რა­ტის ბა­რის" გა­რეთ მოხ­და და რომ თა­ნამ­შრომ­ლო­ბენ სა­მარ­თალ­დამ­ცა­ვებ­თან. სამ­წუ­ხა­როდ ეს არ არის პირ­ვე­ლი შემ­თხვე­ვა. ამ ბარ­ში, რამ­დე­ნი­მე თვის წი­ნა­თაც მოკ­ლეს წარ­მა­ტე­ბუ­ლი სპორ­ტსმე­ნი, დე­დი­სერ­თა ბიჭი და მისი მკვლე­ლი ჯერ გა­სა­მარ­თლე­ბუ­ლიც არ არის.

სა­სა­მარ­თლო პრო­ცეს­ზე მომ­ხდა­რის დე­ტა­ლებ­ზე არ უსა­უბ­რია თა­ვად დამ­ნა­შა­ვეს, ის დუ­მი­ლის უფ­ლე­ბას იყე­ნებს. ჩვე­ნე­ბის მი­ცე­მა­ზე უარს ამ­ბობს მძი­მე და­ნა­შა­უ­ლის შე­უ­ტყო­ბი­ნებ­ლო­ბის­თვის და­კა­ვე­ბუ­ლი რატი პა­კე­ლი­ა­ნიც.

რო­გორც ირ­კვე­ვა, და­ნა­შა­უ­ლის ჩა­დე­ნის შემ­დეგ გიგ­ლე­მი­ან­მა და მის­მა თან­მხლებ­მა პა­კე­ლი­ან­მა გა­ა­ჩე­რეს ტაქ­სი და იქა­უ­რო­ბა და­ტო­ვეს. პრო­კუ­რა­ტუ­რის ინ­ფორ­მა­ცი­ით, გა­მო­კი­თხუ­ლია არა­ერ­თი პირი, მათ შო­რის ის ტაქ­სის მძღო­ლი, რომ­ლის მან­ქა­ნი­თაც და­ტო­ვეს შემ­თხვე­ვის ად­გი­ლი. ასე­ვე ამო­ღე­ბუ­ლია ვი­დეო თვა­ლით გა­და­ღე­ბუ­ლი მა­სა­ლე­ბი და პრო­კუ­რო­რის თქმით, საქ­მე­ში არ­სე­ბობს მტკი­ცე­ბუ­ლე­ბე­ბი, რო­მე­ლიც ბრა­ლე­უ­ლო­ბას ადას­ტუ­რებს. თუმ­ცა რო­გორც ჩანს, შემ­თხვე­ვის ად­გი­ლი­დან არ არის ამო­ღე­ბუ­ლი მკვლე­ლო­ბის ია­რა­ღი დანა, ამი­ტომ ბრალ­დე­ბუ­ლის ად­ვო­კა­ტი ამა­ზე აპე­ლი­რებს და ამ­ბობს, რომ პრო­კუ­რა­ტუ­რას არ აქვს მტკი­ცე­ბუ­ლე­ბა.

• რო­გორც ცნო­ბი­ლი ხდე­ბა, მკვლე­ლო­ბა­ში ბრალ­დე­ბუ­ლი გიგ­ლე­მი­ა­ნის­თვის ასე­თი უმ­ძი­მე­სი და­ნა­შა­უ­ლის ჩა­დე­ნა უცხო არ არის. 19 წლის ასაკ­ში ჩა­ი­დი­ნა მან სას­ტი­კი მკვლე­ლო­ბა, მა­ში­ნაც სრუ­ლი­ად უდა­ნა­შა­უ­ლო, 18 წლის ბიჭი ქუ­ჩა­ში ხალ­ხის თვალ­წინ ავ­ტო­მა­ტით ჩა­ცხრი­ლა და შემ­თხვე­ვის ად­გი­ლი­დან მი­ი­მა­ლა.

ამ უმ­ძი­მეს და­ნა­შა­უ­ლამ­დე თურ­მე მას ადა­მი­ა­ნი ჰყავ­და დაჭ­რი­ლი და პი­რო­ბი­თი მსჯავ­რის ქვეშ იყო. პი­რო­ბი­თი მსჯავ­რიც მი­ე­მა­ტა ახალ სას­ჯელს, და­ე­მა­ტა ია­რა­ღის უკა­ნო­ნო ტა­რე­ბა შე­ნახ­ვა და შეკ­რე­ბი­თო­ბის პრინ­ცი­პით 26 წელი მი­ე­სა­ჯა, მაგ­რამ რა­ტომ­ღაც ასე­თი მძი­მე და­ნა­შა­უ­ლე­ბის­თვის მსჯავ­რდა­დე­ბულ­მა გიგ­ლე­მი­ან­მა ცი­ხი­დან გა­მოს­ვლა მალე შეძ­ლო.

ალე­კო შა­კი­აშ­ვი­ლის მკვლე­ლო­ბა­ში ბრალ­დე­ბუ­ლის ვი­ნა­ო­ბის გაჟ­ღე­რე­ბის შემ­დეგ სო­ცი­ა­ლურ ქსელ­ში სტა­ტუ­სი და­წე­რა მომ­ხდა­რით აღ­შფო­თე­ბულ­მა ქალ­ბა­ტონ­მა დოდო მა­ი­სა­ძემ, სწო­რედ ამ ქალ­ბა­ტო­ნის 18 წლის შვი­ლი გა­მო­ა­სალ­მა სი­ცო­ცხლეს 2008 წელს გიგ­ლე­მი­ან­მა.

ჩვენ ქალ­ბა­ტონ დო­დოს და­ვუ­კავ­შირ­დით. მას არ და­უ­მა­ლავ, რომ გა­უ­თა­ვებ­ლად იბ­რძო­და, რომ მისი შვი­ლის მკვლე­ლი სა­კად­რი­სად დას­ჯი­ლი­ყო, მაგ­რამ ამას ვერ მი­აღ­წია.

დოდო მა­ი­სა­ძე:

- არ ვიცი აქვს კი სა­ერ­თოდ ახლა ამა­ზე სა­უ­ბარს აზრი. თქვენ არ იცით, რა დღე­ე­ბი გა­და­ვი­ტა­ნე, ჯერ მა­შინ, როცა ჩემი 18 წლის სრუ­ლი­ად უდა­ნა­შა­უ­ლო შვი­ლი მო­მიკ­ლა და მერე მა­შინ, როცა მკვლე­ლი ცი­ხი­დან ამ­ნის­ტი­ით გა­მო­ვი­და. სულ ვაპ­რო­ტეს­ტებ­დი, ვი­თხოვ­დი ჩემი შვი­ლის მკვლელს, ასეთ სა­შიშ დამ­ნა­შა­ვეს არ შე­ხე­ბო­და ამ­ნის­ტია. ინ­ტერ­ვი­უც მი­ვე­ცი ტე­ლე­ვი­ზი­ებს, მაგ­რამ არა­ვინ მო­ის­მი­ნა ჩემი გუ­ლის­ტკი­ვი­ლი და ასე­თი დამ­ნა­შა­ვე გა­რეთ გა­მო­უშ­ვეს ამ­ნის­ტი­ით. არა­და დღემ­დე სა­ში­ნე­ლი დღე­ე­ბი გა­მო­ვი­ა­რეთ. შვი­ლის სას­ტი­კი მკვლე­ლო­ბის შემ­დეგ ჩემი მე­უღ­ლე ისე და­ა­ვად­და, გუ­ლის ოპე­რა­ცია დას­ჭირ­და. ამ სა­ში­ნე­ლი, გა­უ­საძ­ლი­სი ტკი­ვი­ლით მოვ­დი­ვართ დღემ­დე და ახლა 15 აპ­რილს იყო ჩემი შვი­ლის გარ­დაც­ვა­ლე­ბის დღეს მე­უღ­ლეს ინ­ფარ­ქტი და­ე­მარ­თა. მძი­მეა მისი ჯან­მრთე­ლო­ბის მდგო­მა­რე­ო­ბა და არ მინ­და გა­ვა­ნერ­ვი­უ­ლო, მაგ­რამ როცა 18 წლის ბი­ჭის მკვლე­ლო­ბის ჩამ­დე­ნად ისევ მის­მა გვარ­მა გა­იჟ­ღე­რა ისევ სა­შინ­ლად გან­ვი­ცა­დე და გან­მი­ახ­ლდა ტკი­ვი­ლი, რო­მე­ლიც არას­დროს გა­ნე­ლე­ბუ­ლა და სულ ჩემ­თან არის.

- ქალ­ბა­ტო­ნო დოდო, თქვე­ნი შვი­ლის მკვლე­ლო­ბა რო­დის მოხ­და?

- ეს სა­ში­ნე­ლი ტრა­გე­დია 2008 წელს მოხ­და, 2008 წლის 15 აპ­რილს მო­მიკ­ლა ჩემი უდა­ნა­შა­უ­ლო, სი­ცო­ცხლით სავ­სე ბიჭი, ლაშა რუ­ბაშ­ვი­ლი გიგ­ლე­მი­ან­მა. ამ სას­ტი­კი მკვლე­ლო­ბის შემ­დეგ ერთი წელი მი­მალ­ვა­ში იყო და 2009 წელს და­ა­კა­ვეს. ჩემი შვი­ლის სას­ტიკ მკვლე­ლო­ბამ­დე მან დაჭ­რა ახალ­გაზ­რდა და 5 წელი პი­რო­ბი­თი სას­ჯე­ლი ჰქონ­და მის­ჯი­ლი, მერე ჩემი შვი­ლი რომ ჩა­ცხრი­ლა ის პი­რო­ბი­თი სას­ჯე­ლიც და­ე­მა­ტა, ასე­ვე ია­რა­ღის უკა­ნო­ნო შე­ნახ­ვა ტა­რე­ბის მუხ­ლიც წა­უ­ყე­ნეს და შეკ­რე­ბი­თო­ბის პრინ­ცი­პით სა­ბო­ლო­ოდ 26 წელი და 6 თვე ჰქონ­და მის­ჯი­ლი, აქე­დან 18 წელი ჰქონ­და ჩემი შვი­ლის მკვლე­ლო­ბის­თვის.

- რა­ტომ მოკ­ლა თქვე­ნი შვი­ლი?

- ჩემი შვი­ლი 2008 წელს უბან­ში, ჩვენს სახ­ლთან ახ­ლოს, ორ­თა­ჭა­ლა­ში მოკ­ლა 18 ტყვი­ით. იმ დღეს თურ­მე იჩხუ­ბეს უბ­ნის ბი­ჭებ­მა, ამ კონ­ფლიქ­ტში ჩემს შვილს არ მი­უ­ღია მო­ნა­წი­ლე­ო­ბა, ჩხუ­ბის დროს მათ­თან ერ­თად არ იყო. იმ სა­ბე­დის­წე­რო დღეს სახ­ლში ერ­თად დავ­ბრუნ­დით მე და ჩემი შვი­ლი. ლა­შამ უბან­ში ნახა ბი­ჭე­ბი შეკ­რე­ბი­ლე­ბი რომ იყ­ვნენ და იქ მათ­თან შე­ჩერ­და, მე სახ­ლში წა­მო­ვე­დი. ამ დროს მო­ვი­და მკვლე­ლი გიგ­ლე­მი­ა­ნი იქ მან­ქა­ნით, მან­ქა­ნი­დან გად­მო­ყო ავ­ტო­მა­ტის ლულა და ბი­ჭებს მი­უშ­ვი­რა. ბი­ჭებ­მა რომ და­ი­ნა­ხეს გიგ­ლე­მი­ა­ნი იქ ისე­თი ად­გი­ლი იყო, აქეთ- იქით გა­დახ­ტნენ და და­ი­მალ­ნენ, ჩემს შვილ­ზე იმის თქმაც ვერ მო­ას­წრეს და­ი­მა­ლეო. მკვლელს ხელ­ში შერ­ჩა ჩემი უდა­ნა­შა­უ­ლო შვი­ლი და მას და­ა­ხა­ლა ავ­ტო­მა­ტი­დან ტყვი­ე­ბი. ასე 18 ტყვი­ით, სა­დის­ტუ­რად მო­მიკ­ლა შვი­ლი, და­უ­ში­ნა ავ­ტო­მა­ტის ჯერი. ორ­თა­ჭა­ლა­ში ჩემს სახ­ლთან იქვე ახ­ლოს მოხ­და ეს დიდი უბე­დუ­რე­ბა.

18 წლის იყო ჩემი შვი­ლი იმ დროს, ივა­ნე ჯა­ვა­ხიშ­ვი­ლის უნი­ვერ­სი­ტეტ­ში, ჟურ­ნა­ლის­ტი­კის ფა­კულ­ტეტ­ზე სწავ­ლობ­და, ნა­ხე­ვა­რი წელი იარა უნი­ვერ­სი­ტეტ­ში მხო­ლოდ და ასე მო­მიკ­ლა. ეს გა­რე­წა­რი იქვე, დევ­ნი­ლე­ბის და­სახ­ლე­ბა­ში ცხოვ­რობ­და, ჩემს შვილს მას­თან ურ­თი­ერ­თო­ბა არ ჰქო­ნია, რო­გორც აღ­ვნიშ­ნე სხვას­თან ჰქონ­და კონ­ფლიქ­ტი და ჩემი შვი­ლი შე­ეს­წრო და მო­მიკ­ლა, ამის შემ­დეგ იქი­დან გა­იქ­ცა და ერთი წელი იძებ­ნე­ბო­და. უმ­ძი­მე­სი იყო სა­სა­მარ­თლო პრო­ცე­სე­ბი, როცა ვხე­დავ­დი გან­სას­ჯე­ლის სკამ­ზე მკვლელს. ვერც ერთ პრო­ცეს­ზე დას­წრე­ბა ვე­ღარ შეძ­ლო ჩემ­მა მე­უღ­ლემ, გა­ნად­გუ­რე­ბუ­ლი იყო და ამ­ბობ­და, მისი ყუ­რე­ბა არ შე­მიძ­ლი­აო. რომ და­ი­ჭი­რეს გა­უ­ცო­ცხლდა პი­რო­ბი­თი მსჯავ­რიც.

ჩემი შვი­ლის მკვლე­ლო­ბამ­დეც ბიჭი დაჭ­რა, მა­შინ არ ჩას­ვეს, პი­რო­ბი­თი სას­ჯე­ლით იყო გა­მო­სუ­ლი და მერე რომ და­ი­ჭი­რეს მკვლე­ლო­ბა­ზე, ის 5 წე­ლიც მი­ე­მა­ტა. უშუ­ა­ლოდ ჩემი შვი­ლის მკვლე­ლო­ბის­თვის 18 წელი ჰქონ­და მის­ჯი­ლი, ამას და­ე­მა­ტა ია­რა­ღის ტა­რე­ბა და სა­ბო­ლო­ოდ შეკ­რე­ბი­თო­ბით 26 წელი და 6 თვე ჰქონ­და მის­ჯი­ლი. მერე შეკ­რე­ბი­თო­ბა გა­უქ­მდა, გა­მო­ვი­და ამ­ნის­ტია და 18 წელი და 6 თვე აპა­ტი­ეს, ასე გა­მო­ვი­და ცი­ხი­დან. დიდ­ხანს არც მჯდა­რა ცი­ხე­ში. ჩვენ ვჩი­ო­დით, ვი­თხოვ­დით არ შე­ხე­ბო­და ჩემი შვი­ლის მკვლელს ამ­ნის­ტია, გა­ვაპ­რო­ტეს­ტე, მაგ­რამ არა­ვინ იღო ყუ­რად ეს ამ­ბა­ვი და ცი­ხი­დან გა­მოს­ვლის შემ­დე­გაც ახა­ლი ტრა­გე­დი­ე­ბი ჩა­ი­დი­ნა. რომ გა­მო­ვი­და მერე პო­ლი­ცი­ე­ლი დაჭ­რა და დაჭ­რის­თვის იჯდა ცი­ხე­ში მგო­ნი 5 წელი. ახლა ახა­ლი გა­მო­სუ­ლი იყო ცი­ხი­დან და კი­დევ გა­ა­უ­ბე­დუ­რა ერთი ოჯა­ხი. 18 წლის ბიჭი მოკ­ლა. სა­ში­ნე­ლი ტკი­ვი­ლით ვცხოვ­რობთ მე და ჩემი ქმა­რი და ახლა ამ ამ­ბის გა­გე­ბამ კი­დევ მე­ტად გაგ­ვა­ნად­გუ­რა.

ჩემი შვი­ლის სა­სა­მარ­თლო­ზე ერთი ბიჭი ამ­ბობ­და, რომ გავ­რბო­დი ტყვი­ე­ბის წვი­მა მოს­დევ­დათ, სხვე­ბი მა­შინ გა­და­ურჩნენ, ბი­ჭებ­მა ჩემს შვილ­ზე თქმაც ვერ მო­ას­წრეს. ჩემი შვი­ლი არც გან­ძრე­უ­ლა, არც კი იცო­და რის­თვის იყო იქ ის მო­სუ­ლი და ავ­ტო­მა­ტით რომ და­უ­ნა­ხავს გიგ­ლე­მი­ა­ნი ალ­ბათ შე­ე­შინ­დე­ბო­და 18 წლის ბიჭს, ლა­შას ხე­ლე­ბი აუ­წე­ვია ზე­ვით და უთ­ქვამს, ბიჭო ხომ არ უნდა მომ­კლაო და ამ დროს და­უ­ში­ნა იმ აწე­ულ ხე­ლებ­ზე ტყვია და თი­თე­ბიც წა­ა­ცა­ლა ჩემს შვილს. სას­ტი­კად მო­მიკ­ლა, ან ყელი რო­გორ გა­მოჭ­რა მხრის გაკ­ვრის გამო იმ 18 წლის ბიჭს. თა­ნა­ვუგ­რძნობ მის ოჯახს. მე­ო­რე ბრალ­დე­ბუ­ლი პა­კე­ლი­ა­ნი გიგ­ლე­მი­ა­ნის მა­მი­დაშ­ვი­ლია. პა­კე­ლი­ა­ნის შვი­ლიც სან­დრო პა­კე­ლი­ა­ნიც მკვლე­ლო­ბის­თვის იხ­დის სას­ჯელს.

72-ე სა­ჯა­რო სკო­ლის მოს­წავ­ლე იყო და ტე­ლე­ფო­ნის გამო მოს­ვლია კა­მა­თი მე­ზო­ბელ­თან. რამ­დე­ნი­მე დღის მერე და­ი­ბა­რა კოლ­მე­ურ­ნე­ო­ბის მო­ე­დან­ზე ის ბიჭი. ყვა­ვი­ლე­ბის თა­ი­გუ­ლით ხელ­ში მი­ვი­და თურ­მე იქ, იმა­ში დანა ჰქონ­და თურ­მე ჩა­მა­ლუ­ლი აიღო დანა და მოკ­ლა ახალ­გაზ­რდა. ის ცი­ხე­შია და ახლა მა­მა­მი­სი 18 წლის ბი­ჭის მკვლე­ლო­ბის შე­უ­ტყო­ბი­ნებ­ლო­ბის­თვის და­ა­კა­ვეს. რომ არ გა­მო­ეშ­ვათ გიგ­ლე­მი­ა­ნი და მო­ე­ხა­და მის­ჯი­ლი სას­ჯე­ლი, კი­დევ ერთი დედა ხომ არ გამ­წარ­დე­ბო­და. იმე­დი მაქვს, ახლა მა­ინც გა­მო­კე­ტა­ვენ მას სა­მუ­და­მოდ ცი­ხე­ში.